Ճապոնացի գիտնականները գտել են լեյկեմիայի գեները. news.am

Տոկիոյի համալսարանի գիտնականները մարդու օրգանիզմում հայտնաբերել են գեներ, որոնք հանգեցնում են սուր լիմֆոբլաստային լեյկեմիայի (լեյկոզ)՝ արյունատար համակարգի քաղցկեղային հիվանդության:

Մի խումբ մասնագետներ՝ պրոֆեսոր Խիրոյուկի Մանոյի ղեկավարությամբ, իրականացրել են, այսպես կոչված, Բ- բջջային լեյկոզի հետազոտություն, որն առավել տարածված է 15-39 տարեկանների շրջանում, ովքեր հիվանդ են քաղցկեղի այդ տեսակով: Փորձի ընթացքում արյան հետազոտություն են կատարել լեյկեմիայով հիվանդ 73 մարդուց ու որոշել ամինաթթվային մնացորդների հաջորդականությունը սպիտակուցներում, որոնք փոխանցվում են հաջորդ սերունդներին:

Գիտնականները կարողացել են 19 օնկոգեն գտնել, որոնք 65% դեպքերում առաջացնում են Բ- բջջային լեյկոզ: Հետազոտությունը ցույց է տվել, որ չարորակ Բ- բջիջները զարգանում են, երբ այդ օնկոգեները բախվում են այլ գեների, որոնք ոչնչացնում են ժառանգական հիվանդությունների փոխանցող բջիջները: Ճապոնացի գիտնականները հույս ունեն, որ այդ բացահայտումը կօգնի մշակել լեյկեմիան բուժող դեղ, հայտնում է ՏԱՍՍ-ը:

Հարցեր, պատասխաններ, մեկնաբանություններ